الثلاثاء، 1 يوليو 2014

أشهي وأطعم المأكولات في رمضان - الحلقة الاولي

هانقدم ليكم  أشهى المأكولات   الى ممكن  تعملوها  في  رمضان والعزومات 



اليوم الثالث 

كبسه بالفراخ+جلاش باللحمه المفرومه
اولا كبسة الفراخ
...
 
** المقادير**

بصلتين كبار مقطعين
3 فصوص ثوم
فرخة مقطعة
2 طماطم مقطعة مكعبات
رز بسمتي
البهارات الصحيحة ( حبهان و ورق لورا و قرفة وقرنفل والليمون المجفف )
ملح
بهارات ( كمون وفلفل أسود وكزبرة ناشفة وقرفة وبهارات الكبسة )

** الطريقة **
في حلة هنحط شويه زيت ونحط عليهم البصل المقطع والثوم المبشور
ونخليهم يصفروا
وبعدين نحط عليهم البهارات الصحيحة ونقلبهم شويه مع البصل عشان الزيت يأخد ريحتهم

وبعدين هنحط الفراخ بتاعتنا ونقلبها كويس عشان تأخد لون
وبعدين هنحط الطماطم المقطعة
ونقلبهم سوا كلهم كام دقيقة
وبعدين نحط الملح والبهارات اللي هيا

كمون
فلفل أسود
كزبرة ناشفة
قرفة ناعمة
وبهارات الكبسة الجاهزة
والليمون الأسود المجفف
ونقلبهم كويس وبعدين هنحط ميه تغطي الفراخ ونسيبها تستوي
هنطلعها من الحله ونحطهم في صينية وندخلهم الفرن يتحمروا هنشيل من الشوربه البهارات الصحيحة علي قد ما نقدر عشان متبقاش كتيرة لما الرز يستوي ونغرف

هنحط الارز البسمتي المغسول والمنقوع شويه في الميه ونزود الميه لحد ما تغطي الارز
ونسيبه يستوي
هنولع فحمة علي النار لحد ما تحمر كويس وبعدين هنحطها في ورقة فويل ونحطها في وسط صينية الفراخ ونحط علي الفحمة شويه زيت
وتغطي الصينية بسرعة وشمي الريحة الجميلة ولا أجدع فراخ مشويه علي الفحم

ليست هناك تعليقات:

إرسال تعليق