أشهي وأطعم المأكولات في رمضان - الحلقة السادسة
هانقدم ليكم أشهى الاكلات الى ممكن تعملوها في رمضان والعزومات
اليوم الثاني
كوردن بلو +مكرونه بشاميل
اولا الكوردن بلو...
المقادير
صدور فراخ مفرودة ومتبلة(مياه بصل - بشر طماطم - ليمون - ملح و فلفل اسمر- ربع معلقة صغيرة بهارات- ربع معلقة صغيرة كارى - ربع ملقة صغيرة زعتر - معلقة صغيرة صويا صوص - اختيارى ربع معلقة صغيرة باربكيو صوص- رشة زيت زيتون)
سوسيس (ممكن استبداله بالانشون او التركى المدخن او البسطرمة او الهوت دوج او سلامى مدخن
جبنه (شرايح شيدر و موتزريلا )
بيض وبقسماط ناعم
نضع شريحةالجبنه وجزء من الجبنة الموتزريلا والسوسيس على الفراخ
ونلفها ونقفلها بخله
وبعدن نلفها في ورق فويل
وننزلها في مياه مغليه لمده من تلت ساعة الى نص ساعة وبعد كده نشيل ورق الفويل ونسيبها تبرد
انا بعمل كده عشان اضمن انها مستوية وكمان لما تتحط فى الزيت يادوب تاخد لون وتطلعيها فتتضمنى انها باذن الله مش شاربة زيت ومستوية
باقى مياه التتبيلة اكسر عليها بيضه واضربهم كويس مع بعض
ونحط الفراخ فى البيض وبعدين البقسماط ونسيبها في التلاجه ساعه عشان تتشمع
واحمرها فى زيت غزير وسخن واهدى النار عليها بس مش هنسيبها كتير لانها مش نية (يادوب تاخد لون بس)
ليست هناك تعليقات:
إرسال تعليق